मङ्लबार, जेष्ठ १०, २०७९
नेपालमा बिहिबार थप २१०३ जनामा कोरोना संक्रमण पुष्टि
-
- बिहिबार, मंसिर ४, २०७७
काठमाडौं, ४ मङ्सिर । नेपालमा बिहिबार थप २१०३ जनामा कोरोना संक्रमण पुष्टि भएको छ । यो सहित देशभर सक्रिय संक्रमितको संख्या २८ हजार १०६रहेको छ भने कोरोना संक्रमितको संख्या २ लाख १५ हजार २० पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै पछिल्लो २४ घण्टामा थप २८५८ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १ लाख ८५ हजार ६३८ पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १७ जनाको कोरोना संक्रमणका कारण मृत्यु भएको छ । योसँगै नेपालमा कोरोनाले ज्यान गुमाउनेको संख्या १२७६ पुगेको स्वास्थ्य तथा जनसंख्या मन्त्रालयले जनाएको छ ।
