बागलुङका पाँच गाउँपालिकामा अस्पताल निर्माण गर्नका लागि चार करोड १० लाख बजेट निकासा | Samacharpati बागलुङका पाँच गाउँपालिकामा अस्पताल निर्माण गर्नका लागि चार करोड १० लाख बजेट निकासा – Samacharpati
Samacharpati
बुधबार, साउन १३, २०७८
  • होमपेज
  • बागलुङका पाँच गाउँपालिकामा अस्पताल निर्माण गर्नका लागि चार करोड १० लाख बजेट निकासा

बागलुङका पाँच गाउँपालिकामा अस्पताल निर्माण गर्नका लागि चार करोड १० लाख बजेट निकासा

बागलुङका पाँच गाउँपालिकामा अस्पताल निर्माण गर्नका लागि चार करोड १० लाख बजेट निकासा

गलकोट, १७ कात्तिक । अर्थ मन्त्रालयले बागलुङ जिल्लाका पाँच गाउँपालिकामा अस्पताल निर्माण गर्नका लागि चार करोड १० लाख बजेट निकासा गरेको छ ।

स्थानीय तहमा भएको स्वास्थ्य संस्था स्तरोन्नती गर्नका लागि बजेट बिनियोजन गरिएको हो । जिल्लाको बरेङ, ताराखोला, बडिगाड, निसीखोला र तमानखोला गाउँपालिकामा रहेका पाँच स्वास्थ्य संस्था स्तरोन्नती गरी अस्पताल निर्माण गर्नका लागि उक्त रकम विनियोजन गरेको स्वास्थ्य तथा जनसङ्ख्या मन्त्रालयको नीति, योजना तथा अनुगमन महाशाखाले जनाएको छ ।

जिल्लाका पाँच स्थानीय तहमा पाँच, दश र पन्ध्र श्ययाको अस्पताल बनाउन अर्थ मन्त्रालयले बजेट स्वीकृत गरी निकासा गरीे पठाइसकेको महाशाखाका तथ्याङक अधिकृत सुर्यबहादुर खड्काले जानकारी दिनुभयाे ।

बजेट कार्यान्वयनका लागि सबै स्थानीय तहमा अस्पतालको मापदण्ड समेत विनियोजन भएको छ । जिल्लाको बडिगाडमा १५ श्ययाको अस्पताल बनाउन ग्वालिचौर स्वास्थ्यचौकीलाई एक करोड, बरेङको हुग्दीशिर स्वास्थ्य चौकीमा १० श्ययाको अस्पताल बनाउन रु.८५ लाख, ताराखोलाको अर्गल स्वास्थ्य चौकीलाई ५ श्ययाको अस्पताल बनाउन रु. ७० लाख, निसीखोलाको बोहोरागाउँ स्वास्थ्य चौकी स्तरोन्नती गरी १० श्ययाको अस्पताल बनाउन रु. ८५ लाख र तमानखोलाको तमानगाउँ स्वास्थ्य चौकीमा पाँच श्ययाको अस्पताल बनाउन रु. ७० लाख विनियोजन भएर निकासा भएको छ ।

अस्पताल निर्माणका लागि स्थानीयतहले जग्गा व्यवस्थापन तथा सहजीकरण गर्नुपर्नेछ भने प्रदेश सरकारले योजना कार्यान्वयनका लागि सहजीकरण गर्ने गण्डकी प्रदेश सामाजिक विकास मन्त्रालयको अस्पताल विकास तथा चिकित्सा सेवा महाशाखामा प्रमुख डा. रामबहादुर केसीले जानकारी दिनुभएकाे छ ।

 

आजको ट्रेन्डिङ समाचार

लोकप्रिय यो साता