वालिङ नगरपालिकाले स्थापना गरेको राहत कोषमा साढे एघार लाख जम्मा • Nepal's Trusted Digital Newspaperवालिङ नगरपालिकाले स्थापना गरेको राहत कोषमा साढे एघार लाख जम्मा • Nepal's Trusted Digital Newspaper
  • होमपेज
  • वालिङ नगरपालिकाले स्थापना गरेको राहत कोषमा साढे एघार लाख जम्मा

वालिङ नगरपालिकाले स्थापना गरेको राहत कोषमा साढे एघार लाख जम्मा

  • शनिबार, चैत्र २२, २०७६
वालिङ नगरपालिकाले स्थापना गरेको राहत कोषमा साढे एघार लाख जम्मा

वालिङ, २२ चैत । वालिङ नगरपालिकाले स्थापना गरेको कोभिड–१९   रु साढे एघार लाख जम्मा भएको छ । कोभिड–१९ को सङ्क्रमणबाट बच्न सरकारले लागू गरेको लकडाउनका कारण प्रभावित सीमान्तकृत, गरिब, दैनिक ज्यालादारी, गुजारा व्यवसाय र सडक जीवन बिताइरहेकालाई खाद्यान्न तथा राहत उपलब्ध गराउने उद्देश्यले स्थापना गरिएको कोषमा शुक्रबार साँझसम्म नगद तथा खाद्यान्न गरी रु ११ लाख ५० हजार ८११ जम्मा भएको नगरप्रमुख दिलीपप्रताप खाँणले बताउनुभयो ।

शुक्रबार साँझसम्म रु १० लाख ७६ हजार ८११ नगद तथा ७४ हजार बराबरको खाद्यान्न गरी कूल रु ११ लाख ५० हजार ८११ सङ्कलन भएको नगरप्रमुख खाँणले बताउनुभयो । सङ्घसंस्था तथा व्यक्तिले आफूखुसी राहत वितरण गर्दा कसैले दोहोरो राहत पाउने सम्भावना हुने र कसैले पाउँदै नपाउने सम्भावना हुने भएकाले जोकोहीले पनि राहत वितरण गर्ने इच्छा भएमा नगरपालिकामार्फत वितरण गर्न पाउने व्यवस्था मिलाएको नगरप्रमुख खाँणले बताउनुभयो ।

नेपाल बैंक लिमिटेड वालिङमा कोषको नाममा रहेको खाता नं ०८३००१०६८३३२६७०००००१ मा इच्छुक सङ्घसंस्था तथा व्यक्तिगत र संस्थागत सहयोग रकम जम्मा गरी बैंक भौचरको प्रति नगरपालिका कार्यालयमा उपलब्ध गराउन हुन सबैमा नगरपालिकाले अनुरोध गरेको छ ।

आजको ट्रेन्डिङ समाचार

धेरै कमेन्ट गरिएका