कर्णालीका पाँच जिल्ला सञ्चारविहीन • Nepal's Trusted Digital Newspaperकर्णालीका पाँच जिल्ला सञ्चारविहीन • Nepal's Trusted Digital Newspaper
  • होमपेज
  • कर्णालीका पाँच जिल्ला सञ्चारविहीन

कर्णालीका पाँच जिल्ला सञ्चारविहीन

  • बुधबार, माघ ८, २०७६
कर्णालीका पाँच जिल्ला सञ्चारविहीन
सुर्खेत, ८ माघ । साविक कर्णालीका पाँच जिल्ला सञ्चारविहीन भएका छन् । तीन दिनदेखि कालीकोट, हुम्ला, डोल्पा, मुगु र जुम्ला सञ्चारविहीन भएका हुन् ।
कालीकोटको भर्तास्थित रहेको स्तम्भमा खराबी आएपछि साबिकको कर्णालीमा सञ्चार सेवा बन्द भएको नेपाल टेलिकम सुर्खेतका प्रमुख नवराज खतिवडाले राससलाई जानकारी दिनुभयो ।
“मौसममा आएको खराबीका साथै हिमपातका कारण सोलारले काम नगर्दा सेवा अवरुद्ध भएको हो”, प्रमुख खतिवडाले भन्नुभयो, “त्यसको लागि मङ्गलबार नै प्राविधिक टोली कालीकोट पठाइसकेका छौँ ।”
उहाँका अनुसार आजभोलि नै प्राविधिक टोलीले सञ्चार सेवा पुनःसञ्चालन गर्नेछ । सञ्चार सेवा बन्द भएका कारण त्यहाँका स्थानीय सरकार, प्रहरी प्रशासनलगायत स्थानीय नागरिकको दैनिक तथा नियमित काम प्रभावित भएको जनाइएको छ ।

आजको ट्रेन्डिङ समाचार

धेरै कमेन्ट गरिएका