चन्द समूहका सिन्धुपाल्चोक सेक्रेटरी पक्राउ • Nepal's Trusted Digital Newspaperचन्द समूहका सिन्धुपाल्चोक सेक्रेटरी पक्राउ • Nepal's Trusted Digital Newspaper
  • होमपेज
  • चन्द समूहका सिन्धुपाल्चोक सेक्रेटरी पक्राउ

चन्द समूहका सिन्धुपाल्चोक सेक्रेटरी पक्राउ

  • बुधबार, माघ ८, २०७६
चन्द समूहका सिन्धुपाल्चोक सेक्रेटरी पक्राउ

भक्तपुर, ८ माघ । नेत्रविक्रम चन्द ‘विप्लव’ समूहका एक व्यक्तिलाई प्रहरीले पक्राउ गरी आज सार्वजनिक गरेको छ । व्यापारीलाई धम्क्याउँदै चन्दा असुली गरिरहेको अवस्थामा प्रहरी वृत्त थिमिको प्रहरी टोलीले मेलम्ची नगरपालिका–९ सिन्धुपाल्चोक बस्ने ४४ वर्षीय भुवनसिंह तामाङलाई मङ्गलबार पक्राउ गरेको महानगरीय प्रहरी परिसर भक्तपुरका प्रहरी उपरीक्षक सविन प्रधानले जानकारी दिनुभयो ।

प्रहरीले मध्यपुरथिमिस्थित चारदोबाटोमा स्थानीय व्यापारीलाई धम्क्याउँदै जबरर्जस्ती चन्दा असुली गर्दै गरेको अवस्थामा पक्राउ गरी अनुसन्धान गर्दा चन्द समूहको सिन्धुपाल्चोक सेक्रेटरी रहेको खुलेको प्रहरीले जनाएको छ । पक्राउ परेका तामाङलाई अभद्र व्यवहार कसूरमा म्याद थप गरी थप अनुसन्धान थालिएको छ ।

आजको ट्रेन्डिङ समाचार

धेरै कमेन्ट गरिएका