कालीगण्डकीमा रोमाञ्चकारी जलयात्राको मज्जा लिने कि ? • Nepal's Trusted Digital Newspaperकालीगण्डकीमा रोमाञ्चकारी जलयात्राको मज्जा लिने कि ? • Nepal's Trusted Digital Newspaper
  • होमपेज
  • कालीगण्डकीमा रोमाञ्चकारी जलयात्राको मज्जा लिने कि ?

कालीगण्डकीमा रोमाञ्चकारी जलयात्राको मज्जा लिने कि ?

  • सोमवार, माघ ६, २०७६
कालीगण्डकीमा रोमाञ्चकारी जलयात्राको मज्जा लिने कि ?
तानसेन, ६ माघ । पाल्पामा आन्तरिक एवं बाह्य पर्यटक भित्र्याउने उद्देश्यले पर्यटन महोत्सव हुने भएको छ । नेपाल पर्यटन भ्रमण वर्ष २०२० लाई सफल बनाउनका अगामी फागुनको २४ गतेदेखि महोत्सव आयोजना गरिने रामपुर नगरपालिकाका नगरप्रमुख अध्यक्ष रमणबहादुर थापाले जानकारी दिनुभयो ।
कालीगण्डकी नदीमा जलयात्रा, रामपुर बाहुनडाँडाबाट प्याराग्लाइडिङ, जातजाति तथा रहनसहनमा आधारित विभिन्न सांस्कृतिक झाँकी प्रर्र्दशन महोत्सवमा आकर्षक रहने छ । विभिन्न गाउँपालिकासँग समन्वय गरेर प्रचारप्रसारको काम तीव्र पारिने प्रचारप्रसार समिति संयोजक बुद्धिप्रकाश रेग्मीले जानकारी दिनुभयो ।
पोखराका केही होटल व्यवसायीसँग समन्वय गरी पोखरा आएका आन्तरिक तथा बाह्य पर्यटकलाई पाल्पाको रामपुरसम्म ल्याउने प्रबन्ध मिलाइने समितिले जानकारी दिएको छ । जिल्लाको १० वटै स्थानीय तह र नेपाली सेना गोरखदल गणको संयुक्त आयोजनामा नेपाल भ्रमण वर्ष २०२० लाई लक्षित गरी विजय दौड पाल्पा २०७६ हुने छ ।

आजको ट्रेन्डिङ समाचार

धेरै कमेन्ट गरिएका