प्रहरी हूँ’ भन्दै सेट बोकेर धम्क्याउने पक्राउ • Nepal's Trusted Digital Newspaperप्रहरी हूँ’ भन्दै सेट बोकेर धम्क्याउने पक्राउ • Nepal's Trusted Digital Newspaper
  • होमपेज
  • प्रहरी हूँ’ भन्दै सेट बोकेर धम्क्याउने पक्राउ

प्रहरी हूँ’ भन्दै सेट बोकेर धम्क्याउने पक्राउ

  • बिहिबार, पुस १०, २०७६
प्रहरी हूँ’ भन्दै सेट बोकेर धम्क्याउने पक्राउ

काठमाडौँ, १० पुस। प्रहरी हूँ’ भन्दै सेट (वाकीटकी) देखाएर धम्क्याउने व्यक्तिलाई प्रहरीले पक्राउ गरेको छ । काठमाडौँको रत्नपार्क क्षेत्रमा आपराधिक व्यक्तिहरुको सूचना सङ्कलन गरी निगरानी राख्ने क्रममा सिन्धुपाल्चोकका कुमार श्रेष्ठलाई पक्राउ गरिएको महानगरीय अपराध नियन्त्रण महाशाखाका प्रमुख प्रहरी वरिष्ठ उपरीक्षक सहकुलबहादुर थापाले जानकारी दिनुभयो ।

उहाँका अनुसार उनलाई पक्राउ गरी खानतलासी गर्न खोज्दा प्रहरीलाई नै दुव्र्यवहार गरी भाग्न खोजेका थिए । उनको साथबाट प्रहरीले एक थान ह्याण्डसेट (वाकीटकी) बरामद गरेको छ ।

अनुसन्धानका क्रममा उनले सुरक्षा गार्ड भएका बेला प्रयोग गरेको सेट लिएर भागेको खुल्न आएको छ । उनलाई अभद्र व्यवहार कसुरअन्तर्गत थप अनुसन्धानका लागि बुधबार महानगरीय प्रहरी परिसर काठमाडौँमा बुझाइएको महाशाखाले जनाएको छ ।

आजको ट्रेन्डिङ समाचार

धेरै कमेन्ट गरिएका