हुम्लामा बालबालिका बेचबिखनविरुद्ध सकड नाटक | Samacharpati हुम्लामा बालबालिका बेचबिखनविरुद्ध सकड नाटक – Samacharpati
Samacharpati
शनिबार, कार्तिक ६, २०७८
  • होमपेज
  • हुम्लामा बालबालिका बेचबिखनविरुद्ध सकड नाटक

हुम्लामा बालबालिका बेचबिखनविरुद्ध सकड नाटक

  • रासस
  • बुधबार, मंसिर ११, २०७६
हुम्लामा बालबालिका बेचबिखनविरुद्ध सकड नाटक

सिमकोट, ११ मङ्सिर । हुम्लाको ताँजाकोट गाउँपालिकामा बालबालिका ओसारपसार तथा बेचबिखन रोकथामका लागि सडक नाटक गरिएको छ । ‘लनल नेपाल’को आर्थिक सहायोग तथा ‘किर्डाक नेपाल’को आयोजनामा सडक नाटक सञ्चालन गरिएको हो । मानव बेचबिखनजस्तो जघन्य अपराधबारे चेतना फैलाउन जिल्लाका सातवटै गाउँपालिकामा उक्त अभियान सञ्चालन गरिएको किर्डाक नेपालका फिल्ड सुपरभाइजर जनक बुढाले जानकारी दिनुभयो ।

बालबालिकामाथिको अत्याचार, बालश्रम, वैदेशिक श्रम शोषण, चेलीबेटी बेचबिखन तथा ओसारपसार नियन्त्रणका लागि स्थानीयवासीलाई सडक नाटकमार्फत सचेत पारिएको उहाँको भनाइ छ । बाल श्रमिकको सङ्ख्या बढ्दै गएकाले न्यूनीकरणका लागि विद्यालय उमेरका बालबालिकाको शिक्षामा पहुँच पुर्याउन जिल्लाभरि सडक नाटक सञ्चालन गरिने भएको छ ।

अदानचुली र ताँजाकोट गाउँपालिकामा बालबालिका ओसारपसार, बालविवाह न्यूनीकरण, लैङ्गिक हिंसासम्बन्धी सडक नाटक प्रदर्शन गरिने उक्त कार्यमा संलग्न भुवन भण्डारीले बताउनुभयो । यहाँका विद्यालय र गाउँमा सडक नाटक प्रदर्शन गरिनेछ ।

आजको ट्रेन्डिङ समाचार