तपाई इलम गर्नुोस, पुर्वाधार हामी बनाइदिन्छौ : मुख्यमन्त्री गुरुङ | Samacharpati तपाई इलम गर्नुोस, पुर्वाधार हामी बनाइदिन्छौ : मुख्यमन्त्री गुरुङ – Samacharpati
Samacharpati
बिहिबार, भदौ ३१, २०७८
  • होमपेज
  • तपाई इलम गर्नुोस, पुर्वाधार हामी बनाइदिन्छौ : मुख्यमन्त्री गुरुङ

तपाई इलम गर्नुोस, पुर्वाधार हामी बनाइदिन्छौ : मुख्यमन्त्री गुरुङ

तपाई इलम गर्नुोस, पुर्वाधार हामी बनाइदिन्छौ : मुख्यमन्त्री गुरुङ

पोखरा, ७ कार्तिक । गण्डकी प्रदेशका मुख्यमन्त्री पृथ्वीसुब्बा गुरुङले जागर चलाएर इलम गर्न चाहानेका लागि आवश्यक बातावरण बनाइदिन प्रदेश सरकार तयार रहेको बताएका छन । जनताकै सुविधाका लागि संघीयता मार्फत प्रदेश सरकार बनेको भन्दै मुख्यमन्त्री गुरुङले कृषि, उद्योग, व्यापार आदि क्षेत्रमा काम गर्न चाहाने जनताको लागि सवै प्रकारको पुर्वाधारको ग्यारेण्टी गरिने दावी गरेका थिए । पोखरा महानगरपालिका वडा नं २८ माझठानामा बनेको खेल मैदान तथा सहिद थमन परियार स्मृति भलिवल प्रतियोगिताको उदघाटन गर्दै मुख्यमन्त्री गुरुङले आफ्नै ठाउमा केही गर्न चाहानेहरुलाई प्रोत्साहन गरिने बताएका थिए । ‘तपाई के गर्न चाहनुहुन्छ त्यो हामीलाई भन्नुस, कृषिमा केही चाहनुहुन्छ तपाईलाई मोटरबाटो चाहिएला हामी बनाइदिन्छौ, वीउहरु हामी उपलब्ध गराउछौ, उत्पादन भएका समानका लागि कोल्डस्टोर बनाइदिन्छौ’ उनले भने ‘तपाई इलम गर्नोस आवश्यक पुर्वाधार हामी बनाइदिन तयार छौ’ ।

यसबाहेका उद्योग तथा व्यापार व्यावसायका लागि आवश्यक बाताबरण बनाइदिन आफुहरु तयार रहेको प्रष्ट्याएका थिए । ‘उद्योगका लागि विद्युत चाहिएला, कच्चा पदार्थ र समान बोक्न बाटो चाहिएला, बजार चाहिएला त्यो सवै बनाउन हामी लागिपरेका छौ’ उनले थपे ‘व्यापार गर्न पनि के के चाहन्छ त्यो पुर्वाधारका लागि हामी तयार छौ ।’ पाच बर्ष भित्र प्रदेशलाई खाद्यन्न आत्मनिर्भर गर्ने उदेश्यका साथ अगाडि बढेको जानकारी गराउदै गाउका बाझो रहेका बारीहरु हरियाली नभए सम्म उदेश्य पुरा हुन संभव नभएको बताएका छन। उनले जनताको आधारभुत आवश्यकता पुरा गर्न प्रदेश सरकार लागि परेको बताका छन । शिक्षा, स्वास्थ्य जस्ता अत्यआवश्यक सेवाहरु चाडै जनताका लागि सर्वसुलभ बनाइने मुख्यमन्त्रीको भनाई थियो । नेकपा गण्डकी प्रदेश अध्यक्ष हितराज पाण्डेले सहिद देखाएको सपना साकार पार्न सके सहिदप्रति सच्चा सम्मान हुने बताएका थिए । कार्यक्रममा प्रदेश सांसदहरु दिपक कोइराला, गायत्री गुरुङ लगायतले बोलेका थिए ।

आजको ट्रेन्डिङ समाचार