नेपाल टेलिकमकाे फोरजी सेवा बुधबारदेखि सुरु | Samacharpati नेपाल टेलिकमकाे फोरजी सेवा बुधबारदेखि सुरु – Samacharpati
Samacharpati
बिहिबार, भदौ ३१, २०७८
  • होमपेज
  • नेपाल टेलिकमकाे फोरजी सेवा बुधबारदेखि सुरु

नेपाल टेलिकमकाे फोरजी सेवा बुधबारदेखि सुरु

नेपाल टेलिकमकाे फोरजी सेवा  बुधबारदेखि  सुरु

काठमाडौँ, १३ असाेज । नेपाल टेलिकमले बुधबारदेखि देशका विभिन्न २६ वटा ठूला र साना सहरमा फोरजी सेवा सुरु गर्नेभएको छ ।देशैभर फोरजी सेवा विस्तार गर्ने परियोजनाअन्तर्गत कम्पनीले पहिलो चरणमा बुधबारदेखि सेवा विस्तार गर्न लागेको प्रबन्ध निर्देशक डिल्ली अधिकारीले जानकारी दिए ।

‘परीक्षणका धेरै काम सफल भइसकेका छन्’ उनले भने, ‘अन्य कुनै प्राविधिक समस्या नआएमा बुधबारदेखि परीक्षण पूरा भएका ठाउँमा व्यावसायिक रूपमै फोरजी सेवा सुरु गर्छौं ।’

टेलिकमले महानगरसहित सबै प्रदेशलाई समेट्ने गरी फोरजी सेवा विस्तार गर्दै छ ।‘बीटीएस स्थापना भएसँगै नयाँ ठाउँमा फोरजी परीक्षण र सेवा सञ्चालनको काम पनि नियमित हुन्छ ।’

आजको ट्रेन्डिङ समाचार