‘सम्हाली राख है’ कार्तिक २९ बाट प्रदर्शनमा | Samacharpati ‘सम्हाली राख है’ कार्तिक २९ बाट प्रदर्शनमा – Samacharpati
Samacharpati
बिहिबार, भदौ ३१, २०७८
  • होमपेज
  • ‘सम्हाली राख है’ कार्तिक २९ बाट प्रदर्शनमा

‘सम्हाली राख है’ कार्तिक २९ बाट प्रदर्शनमा

‘सम्हाली राख है’ कार्तिक २९ बाट प्रदर्शनमा

काठमाडौं, ९ असोज  । आरएल मोक्तानको निर्देशन रहेको फिल्म ‘सम्हाली राख है’ कार्तिक २९ बाट प्रदर्शनमा आउँने भएको छ । बितरकसँगको छलफलपछि फिल्मको रिलिज मिति कार्तिक २९ तय भएको निर्देशक आरएल मोक्तानले बताएका छन् । अर्जुन कुवँर, सितल केसी, राजेन्द्र गोपाली, आरोही बस्नेत, स्नेहशा कार्की, अन्जना खत्री, शंकर कार्की लगायत कलाकारको अभिनय रहेको फिल्म अहिले पोष्टप्रोडक्सनको अन्तिम चरणमा छ ।

तारा शंकर फिल्मस् प्रालीको ब्यानरमा शंकर कार्कीको प्रस्तुति रहेको फिल्म हरिकृष्ण महर्जनले निर्माण गरेका हुन् । श्यामकृष्ण महर्जन सह निर्माता रहेको फिल्ममा बिक्रम कार्कीको कथा, ग्रिस रिजालको सम्पादन, देव महर्जनको एक्सन, जनक कार्की र राजेश शाहीको नृत्य, राजेश श्रेष्ठ र दीपक रमणको संगीत समेटिएको छ । शंकर अधिकारी घायल र दीपक रमणको शब्द रहेको गीत हिमाल सागर, अनु चौधरी र नित्या शिवाले गाएका छन् ।

निर्देशक आर एल मोक्तानकै पठकथा सम्वाद रहेको फिल्मका मुख्य सहायक निर्देशक सुमन चापागाइ हुन् । काठमाडौ, कुलेखानी र दोलखाको आकर्षक दृश्य फिल्ममा समेटिएका छन् । फिल्म सबै नेपालील हेर्नु पर्ने बनेको निर्देशक मोक्तानले बताए । युवायुवतीमा अहिले मौलाएको प्रेमकथालाई आकर्षक तवारले समसामहिक बिषयबस्तुसँग मिश्रण गरेर सन्देश मुलक प्रस्तुतिका साथ फिल्म निर्माण भएको निर्माता हरिकृष्ण महर्जनले बताएका छन् ।

‘नेपाली फिल्ममा अर्गानिक कथाको माग हुँदै आएको छ’ निर्माता महर्जनले भने ‘आफ्नै कथामा दर्शकका लागि राम्रो फिल्म दिन ‘सम्हाली राख है’ बनेको हो ।’ कसैले उपहार दिन्छ भने त्यो सम्हालेर राख्नु पर्ने सन्देश समेत फिल्मले दिने निर्माता महर्जनले बताएका छन् ।

आजको ट्रेन्डिङ समाचार