समृद्धिको राष्ट्रिय नीति नै बनाएर अघि बढ्न नेतृत्वलाई सांसदहरुको सुझाव • Nepal's Trusted Digital Newspaperसमृद्धिको राष्ट्रिय नीति नै बनाएर अघि बढ्न नेतृत्वलाई सांसदहरुको सुझाव • Nepal's Trusted Digital Newspaper
  • होमपेज
  • समृद्धिको राष्ट्रिय नीति नै बनाएर अघि बढ्न नेतृत्वलाई सांसदहरुको सुझाव

समृद्धिको राष्ट्रिय नीति नै बनाएर अघि बढ्न नेतृत्वलाई सांसदहरुको सुझाव

  • सोमवार, असार १६, २०७६
समृद्धिको राष्ट्रिय नीति नै बनाएर अघि बढ्न नेतृत्वलाई सांसदहरुको सुझाव

सत्तारुढ दल नेपाल कम्युनिस्ट पार्टी (नेकपा)का सांसदहरुले समृद्धिको राष्ट्रिय नीति नै बनाएर अघि बढ्न नेतृत्वलाई सुझाव दिएका छन् । संघीय संसद भवन नयाँबानेश्वरको ल्होत्से हलमा सोमबार बसेको नेकपा संसदीय दलको बैठकमा बोल्ने अधिकांश सांसदहरुले अहिलेकै गति र मतिले समृद्धिमा पुग्न नसकिने भन्दै राष्ट्रिय नीति नै बनाउन सुझाव दिएका हुन् । आफूहरुलाई जिम्मेवारी नदिएका कारण सरकारका काम–कारबाही जनतासम्म पुग्न नसकेको गुनासो गर्दै सांसदहरुले बजेट विनियोजन निष्पक्ष र समानुपातिक नभएको भन्दै आलोचना गरेका थिए । उनीहरुले मन्त्री र शक्तिशाली सांसदहरुको क्षेत्रमामात्रै बजेट विनियोजन गरेको गुनासोसमेत गरेका छन् । बैठकमा सहभागी केही सांसदहरुले भने पार्टी सन्चालनको अहिलेको प्रक्रिया नै उचित नभएको भन्दै पार्टी र सरकारलाई प्रभावकारी बनाउन सन्चालन पद्धति परिवर्तन गर्न आग्रह गरे । बैठकको सुरुमा संसदीय दलका नेता एवं प्रधानमन्त्री केपी शर्मा ओलीले बैठकका एजेन्डाबारे जानकारी गराउनुभएको सांसद देवेन्द्र पौडेलले जानकारी दिनुभयो । पार्टी सरकार तथा बिधेयकका बिषयमा भएका कमकमजोरीका बारेमा पनि गम्भीर छलफल भएको उहाले बताउनुभयो । त्यस्तै सांसद देव गुरुङले बैठकमा अध्यक्षद्वयले पार्टीको एकताको काम छिटो टुङ्ग्याउने बताउनुभएको जानकारी दिनुभयो । सरकारका निर्णयहरु, संसदमा दर्ता भएका विधेयकहरु, पार्टी सन्चालन पद्धतिलगायतका विषयमा सांसदहरुका फरक–फरक धारणा आउन थालेपछि एकरुपता ल्याउन भन्दै बैठक बोलाइएको हो । सांसदहरुले धारणा राख्ने क्रम नसकेपछि संसदीय दलको बैठक असार २१ गते पुन बस्ने नेताहरुले जनाएको छ ।

आजको ट्रेन्डिङ समाचार

धेरै कमेन्ट गरिएका