जय मनकामना सहकारीको स्थापना दिवसमा बिद्यालयलाई सहयोग • Nepal's Trusted Digital Newspaperजय मनकामना सहकारीको स्थापना दिवसमा बिद्यालयलाई सहयोग • Nepal's Trusted Digital Newspaper
  • होमपेज
  • जय मनकामना सहकारीको स्थापना दिवसमा बिद्यालयलाई सहयोग

जय मनकामना सहकारीको स्थापना दिवसमा बिद्यालयलाई सहयोग

  • शुक्रबार, जेष्ठ १७, २०७६
जय मनकामना सहकारीको स्थापना दिवसमा बिद्यालयलाई सहयोग

दाताको सहयोगबाट धानिएको संस्कृति मावि

पोखरा, १७ जेठ । पोखराको लामाचौरमा प्रधान कार्यालय रहेको जय मनकामना बचत तथा ऋण सहकारी संस्थाको २१ औं स्थापना दिवसको अवसरमा शुक्रबार पोखराको एक सामुदायिक बिद्यालयलाई सहयोग हस्तान्तरण गरिएकोे छ । सम्भवत गण्डकी प्रदेशकै पहिलो बिद्यालय पोखरा बगरमा रहेको संस्कृति माविलाई सहकारीले आफ्नो सामाजिक उत्तरदाहित्व अन्र्तगत २५ हजार नगद सहयोग हस्तन्तरण गरेको हो ।

scholl२

सहकारीका अध्यक्ष संजय कुमार अधिकारी, पूर्व अध्यक्ष पुष्पेन्द्र पाण्डे, कोषाध्यक्ष बुद्धि बहादुर क्षत्री खत्री, प्रबन्धक टंक प्रसाद अधिकारी लगायतले उक्त रबम बराबरको चेक बिद्यालय व्याबस्थापन समितिका अध्यक्ष गोविन्द नेपाली, सदस्य एवं गुरुकुल आश्रम व्यबस्थापन समितिका अध्यक्ष गणेश बहादुर थापा, बिद्यालयका प्राचार्य गोविन्द प्रसाद सिग्देललाई संयुक्त रुपमा हस्तान्तरण गरेका हुन्। उक्त अवसरमा नव आर्दश सामुदायिक विकास समाजले बिद्यालयमा अक्षयकोष स्थापनाको लागि भन्दै १५ जार रुपैया आर्थिक सहयोग गरेको छ । त्यसै गरी सहकारीका अध्यक्ष संजयकुमार अधिकारीले आफ्ना दुई छोरी शरीस्मा र सपना अधिकारीको नामबाट १२ हजारका अक्षयकोष स्थापना गर्ने घोषणा गर्दै आगामी दिनमा बिद्यालयलाई आवश्यक पर्ने सहयोग गर्ने बताए ।

समाजसेवी लोक बहादुर थापाले बिद्यालयमा रहेका ७२ जना वटुकहरुलाइ एक दिनको खान खुवाउने बताएकाछन् । त्यस्तै कमल थापाले बिद्यालयमा हाल निमार्ण हुदै गरेको पन्चाङग् मन्दिर निर्माणको लागि २ टिप वालुवा दिने घोषणा गरेकाछन्। बिद्यालयका अध्यक्ष नेपालीले बिद्यालयमा हाल जेनतेन विभिन्न दाताहरुको सहयोगबाट संस्कृत अध्ययनको छात्रवास संचालन गर्दै आएको बताए । कक्षा १ देखि १० कक्षासम्म बिद्यालयमा २ सय २५ जना बिद्यार्थीहरु रहेको बिद्यालयले जनाएको छ । जस मध्य ४ देखि १० कक्षासम्मक विभिन्न जिल्लाबाट आएका वालकहरुको संस्कृत अध्ययनको लागि आवासिय छात्रवास समेत बिद्यालयले संचालन गर्दै आएको गुरुकुल छात्रबास व्याबस्थापन समितिक अध्यक्ष थापाले बताए । उनले भने “ गण्डकी प्रदेशकै सवै भन्दा पुरानो बिद्यालय आज आएर दातहरुसंग मागेर चलााउनु परेको छ, सरकारी निकायको यसमा ध्यान पुग्न सकेको छैन्। ”

यसै बिच शनिबार लामाचौरमा निशुल्क (थाइराइड, सुगर र कोलिस्टोर) के स्वास्थ्य शिविर हुने भएको छ । नव आर्दश सामुदायिक विकास समाजको आयोजना यूआरएलको प्राविधिक सहयोग, जय मनकामना सहकारीको संयोजनमा उक्त कार्यक्रम हुने भएको सहकारीका कोषाध्यक्ष खत्रीले जनाए । उक्त सहकारीको शेयरधनि ५ हजार ४ सय जना रहेकाछन भने शेयर पूंजि १२ करोड ४२ रहेको प्रवन्धक टंक प्रसाद अधिकारीले जनाए । उनका अनुसार सहकारीको कारोवार ६४ करोड रहेको छ । ५ वटा सेवा केन्द्रको अनुमति लिएको सहकारीले चिप्लेढुंगामा एउटा केन्द्र विस्तार गरिसकेको छ । लघुविक्त कार्यक्रम र युवा स्वरोजगारका कार्यक्रम समेत ल्याएको अध्यक्ष अधिकारीले जनाए ।

आजको ट्रेन्डिङ समाचार

धेरै कमेन्ट गरिएका