आज विश्व धुम्रपान रहित दिवस : नेपालमा सुर्तीसेवनबाट बर्सेनि २५ हजारभन्दा बढीको मृत्यु | Samacharpati आज विश्व धुम्रपान रहित दिवस : नेपालमा सुर्तीसेवनबाट बर्सेनि २५ हजारभन्दा बढीको मृत्यु – Samacharpati
Samacharpati
शनिबार, कार्तिक ६, २०७८
  • होमपेज
  • आज विश्व धुम्रपान रहित दिवस : नेपालमा सुर्तीसेवनबाट बर्सेनि २५ हजारभन्दा बढीको मृत्यु

आज विश्व धुम्रपान रहित दिवस : नेपालमा सुर्तीसेवनबाट बर्सेनि २५ हजारभन्दा बढीको मृत्यु

आज विश्व धुम्रपान रहित दिवस : नेपालमा सुर्तीसेवनबाट बर्सेनि २५ हजारभन्दा बढीको मृत्यु

काठमाण्डौ, १७ जेठ । आज विश्व धुम्रपान तथा सुर्ती रहित दिवस नेपालमा पनि मनाइँदैछ । धम्रपानका कारण हुने क्षति न्यूनीकरण र सुर्तीजन्य पदार्थको नियन्त्रण गर्ने उद्धेश्यले विश्व स्वास्थ्य संगठनको अह्वानमा मे ३१ तारिखमा यो दिवस मनाउने गरिन्छ ।

विश्वमा हरेक ८ सेकेन्डमा सुर्ती खाने एक जनाको ज्यान जाने गरेको पाइएको छ । नेपालमा भने बर्सेनि सुर्तीजन्य पदार्थकै कारण २५ हजारभन्दा धेरै मानिसको ज्यान जाने गरेको सरकारी तथ्याङ्क छ ।

चुरोट सुर्तीले, खानेलाई मात्र नभएर यसको आसपासमा बस्नेलाई पनि असर गर्ने डाक्टरले बताउने गरेका छन् । धुम्रपान गर्ने धेरैजसोलाई फोक्सो र मुखको क्यान्सर हुने गरेको स्वास्थ्य मन्त्रालयले जनाएको छ । तर पछिल्लो तथ्याङकले कलेजोमा पनि असर पर्ने देखाएको छ ।

गर्भवती भएका बेला सूर्ती तथा चुरोट खाँदा पेटमा भएको बच्चाको कलेजो बिगार्ने अनुसन्धानकर्ताले बताएका छन् । सुर्तीजन्य पदार्थको प्रयोग घटाउन सके ११ प्रतिशत मृत्यु घटाउन सकिने स्वास्थ्य मन्त्रालयले जनाएको छ ।

स्वास्थ्य सेवा विभागका महानिर्देशक डाक्टर गुणराज लोहनीले गर्भवती र १८ वर्ष नपुगेका व्यक्तिलाई सुर्तिजन्य पदार्थ खरीद तथा बिक्री गर्न नपाउने कानूनी प्रावधान रहेपनि त्यसको प्रभावकारी कार्यान्वयन हुन नसकेकामा चिन्ता व्यक्त गर्नुभएको छ ।

आजको ट्रेन्डिङ समाचार