काठमाडौं । नेपाल र भारतको महिला राष्ट्रिय फुटबल टोलीबीचको दोस्रो मैत्रीपूर्ण खेल गोलरहित बराबरी भएको छ ।

यो बराबरीसहित दुई अन्तर्राष्ट्रिय मैत्रीपूर्ण खेल नै बराबरीमा टुङ्गिएको छ । भारतको चेन्नईमा रहेको जवहारलाल नेहरु मैदानमा हिजो भएको दोस्रो खेलमा दुई टोलीबाट गोल हुन सकेन ।

यसअघि बुधवार भएको पहिलो मैत्रीपूर्ण खेलमा २–२ गोलको बराबरी भएको थियो ।

पहिलो मैत्रीपूर्ण खेलमा नेपालका लागि दुवै गोल सावित्रा भण्डारी सम्बाले गरेकी थिइन् । नेपाल र भारतले महिला ओलम्पिक छनोटको तयारी स्वरुप मैत्रीपूर्ण खेल खेलेका हुन् ।

महिला फुटबल टोलीमहिला राष्ट्रिय फुटबल टोली

प्रकाशित मिति: आइतवार, फाल्गुन ७, २०७९, ६:५५ बिहान

लेखक: समाचारपाटी