काठमाडौं । आकर्षक तलबको प्रलोभनमा पारी वैदेशिक रोजगारीमा अमेरिका र क्यानडा पठाइदिने भन्दै १ करोड १२ लाख रुपैयाँ ठगी गर्ने दुई जना पक्राउ परेका छन् ।

पक्राउ पर्नेहरूमा कञ्चनपुरको शुक्लाफाँटा नगरपालिका–१ घर भई काठमाण्डौको टोखा नगरपालिका–६ बस्ने २५ वर्षीय भुवन कार्की र काठमाण्डौको कागेश्वरी मनोहरा नगरपालिका–३ बस्ने ४२ वर्षीय नितेश पोखरेल रहेको ।

भुवनले अमेरिका पठाइदिने भन्दै ३ जनाबाट १ करोड र नितेशले क्यानडा पठाइदिने भन्दै ४ जनाबाट १२ लाख रुपैयाँ लिएर सम्पर्कविहीन भएका नेपाल प्रहरीको काठमाण्डौ उपत्यका अपराध अनुसन्धान कार्यालयले जनाएको छ ।

उनीहरूलाई काठमाण्डौ उपत्यकाका विभिन्न ठाउँबाट पक्राउ गरी तथा अनुसन्धान तथा कारबाहीका लागि वैदेशिक रोजगार विभाग ताहाचल पठाइएको कार्यालयका प्रहरी उपरीक्षक एवम् सूचना अधिकारीले बताउनुभयो ।

१ करोड १२ लाख रुपैयाँठगी गर्ने २ जना पक्राउवैदेशिक रोजगारीमा पठाइदिने भनी

प्रकाशित मिति: बुधबार, माघ १६, २०८१, ३:२८ बेलुका

लेखक: समाचारपाटी