काठमाडौं । मकवानपुरमा भारतीय तीर्थयात्री बोकेको जीप दुर्घटना हुँदा १३ जना घाइते भएका छन् ।

वीरगञ्जबाट काठमाडौंका लागि छुटेको मधेश प्रदेश ०३–००१ज०२८३ नम्बरको जीप आज बिहान इन्द्रसरोवर गाउँपालिका–५ मकैबारीको कुलेखानी– मातातीर्थ सडक खण्डमा दुर्घटना भएको हो ।

जीप आफैँ अनियन्त्रित भइ सडकबाट खसेको मकवानपुरका प्रहरी नायब उपरीक्षक लक्ष्मी भण्डारीले बताउनुभयो ।

जीप चालक बारा जिल्लाको कलैया नगरपालिका–२१ बस्ने २५ वर्षका अनिलकुमार शाहलाई पक्राउ गरिएको उहाँले बताउनु भयो । दुर्घटनामा घाइते भएकाहरुलाई उपचारका लागि काठमाडौं पठाइएको छ ।

जीप मकवानपुरमा दुर्घटना हुँदा १३ जना घाइतेभारतीय तीर्थयात्री

प्रकाशित मिति: मङ्लबार, कार्तिक ७, २०८०, १०:१६ बिहान

लेखक: समाचारपाटी