कास्की । पोखरामा क्रेनले ठक्कर दिँदा एक महिलाको मृत्यु भएको छ । बिहीवार हिजो दिउँसो क्रेनको ठक्करबाट कास्कीको माछापुच्छ्रे गाउँपालिका वडा नम्बर ४ लाचोकी ३८ वर्षीया धना अधिकारीको मृत्यु भएको हो ।

पोखरा ५ मालेपाटनमा रहेको विद्युत् कार्यालय अगाडिको सडकबाट बाटो पार गर्ने क्रममा उहाँलाई क्रेनले ठक्कर दिएको थियो । अधिकारीको पोखराको गण्डकी मेडिकल कलेजमा उपचारका क्रममा आज मृत्यु भएको हो ।

मृतक अधिकारीका आफन्तले आज झण्डै ३ घण्टा पृथ्वीचोक महेन्द्रपुल सडक अवरुद्ध पारेका थिए ।

पोखरामा क्रेनको ठक्करबाट १ महिलाको मृत्यु

प्रकाशित मिति: शुक्रबार, बैशाख २९, २०८०, २:१८ बेलुका

लेखक: समाचारपाटी