सङ्खुवासभा । सङ्खुवासभाको खाँदबारी नगरपालिका ८ विष्णुधारा नजिकै ट्र्याक्टर ब्याक गर्दा एक जनाको मृत्यु भएको छ ।

आज शुक्रवार बिहान ग्यारेजबाट को २ त ३२१६ नम्बरको ट्र्याक्टर कोशी राजमार्गको सडकमा निकाल्ने क्रममा ुब्याकु गर्दा खाँदबारी–१ ढोलबाजेका ६३ वर्षीय यज्ञबहादुर तामाङलाई ठक्कर दिएको थियो ।

घाइते भएको तामाङको उपचारका क्रममा जिल्ला अस्पताल सङ्खुवासभामा मृत्यु भएको सङ्खुवासभाका प्रहरी निरीक्षक इन्स्पेक्टर सरोज खनालले जानकारी दिनुभयो ।

ट्र्याक्टर चालक मकालु गाउँपालिका–२ का तीर्थ तामाङ फरार रहेका छन् । उनको खोजी भइरहेको प्रहरीले जनाएको छ ।

सङ्खुवासभाको खाँदबारी नगरपालिका

प्रकाशित मिति: शुक्रबार, जेष्ठ ५, २०८०, २:४९ बेलुका

लेखक: समाचारपाटी