अछाम । अछाममा अरिङ्गालले चिलेर १ जनाको मुत्यु भएको छ ।

बिहीवार हिजो अछामको साँफेबगर नगरपालिका–८ चण्डिका काटैकाका ७२ वर्षीय टेकबहादुर कुँवरको अरिङ्गालले चिलेर मुत्यु भएको हो ।

कुँवर हिजो बाख्रा चराउन जङ्गल गएका बेला मौरीडाँडा भन्ने ठाउँमा अरिङ्गालले चिलेपछि घाइते हुनुभएको थियो ।

उहाँको बयालपाटा अस्पतालमा उपचारका क्रममा मुत्यु भएको अछाम जिल्ला प्रहरी कार्यालयका प्रहरी नायब उपरीक्षक सन्तोष पाठकले जानकारी दिनुभयो ।

अछाममा अरिङ्गाल

प्रकाशित मिति: शुक्रबार, साउन २६, २०८०, २:०५ बेलुका

लेखक: समाचारपाटी