मकवानपुर । मकवानपुरको बाग्मती गाउँपालिका वडा नम्बर–७ लामीटारमा गएराति मोटरसाइकल दुर्घटना हुँदा १ जनाको मृत्यु भएको छ ।

मदन भण्डारी लोकमार्ग अन्तर्गत झुरझुरेबाट हेटौँडा जाँदै गरेको ना ३० प ३४८१ नम्बरको मोटरसाइकल अनियन्त्रित भइ बिजुलीको पोलमा ठोक्किएको हो ।

दुर्घटनामा मोटरसाइकलका चालक बाग्मती गाउँपालिका वडा नम्बर–६ ठाडीखोला बस्ने २२ वर्षीय सन्तोष दर्लामीको मृत्यु भएको छ । उहाँको उपचारका क्रममा काठमाडौंको न्युरो अस्पतालमा ज्यान गएको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिनुभयो ।

घाइते भएका २२ वर्षीय प्रदीप लोप्चन उपचारपछि घर फर्किएका भण्डारीले बताउनु भयो ।

मोटरसाइकल दुर्घटना हुँदा १ जनाको मृत्यु

प्रकाशित मिति: आइतवार, कार्तिक १२, २०८०, ११:४० बिहान

लेखक: समाचारपाटी