बर्दिया । शक्तिपुरबाट गणेशपुरतर्फ आइरहेको मोटरसाइकलको ठक्करबाट १ जनाको मृत्यु भएको छ ।

आइतबार राति करिब सात बजे गुलरिया नगरपालिका—११ का ६० वर्षीय ईस्माइल खाँ सडक पार गर्दा मोटरसाइकलले ठक्कर दिएको थियो ।

गम्भीर घाइते भएका खाँलाई उपचारका लागि बाँके नेपालगन्जस्थित शिक्षण अस्पतालमा उपचारका लागि लगिएको प्रहरीले जनाए ।

उपचारको क्रममा उनको मृत्यु भएको जिल्ला प्रहरी कार्यालयका प्रहरी उपरिक्षक सुधिरराज शाहीले बताउनुभयो। प्रहरी उपरीक्षक शाहीले भे ७ प ८६०४ नम्बरको मोटरसाइकल र चालक बढैयाताल गाउँपालिका—९ का सुकदेव थारुलाई नियन्त्रणमा लिइ कारबाही चलाएको बताउनुभयो।

मोटरसाइकलको ठक्करबाट १ जनाको मृत्यु

प्रकाशित मिति: सोमवार, अशोज २९, २०८०, ११:०५ बिहान

लेखक: समाचारपाटी