काठमाडौं । जाजरकोटमा भीरबाट लडेर १ जनाको मृत्यु भएको छ । नलगाड नगरपालिका – १ का ६५ वर्षीय भद्र कामीको भीरबाट लडेर मृत्यु भएको हो ।

गत शनिबार खच्चरमा सामान लिएर नलगाड नगरपालिका १ जुरेलीतर्फ गएका उहाँ फर्किन क्रममा जुरेलीको पुवाँ डाँडा भीरबाट लडेर मृत्यु भएको ईलाका प्रहरी कार्यालय दल्लीका इन्चार्ज दलबहादुर बिष्टले बताउनुभयो ।

२ दिनसम्म सम्पर्कमा नआएपछि परिवारले खोजतलास गर्दै जाने क्रममा भीरबाट लडेर कामीको मृत्यु भएको पारिवारिक स्रोतले जानकारी दिएको छ ।

खच्चर धपाउने क्रममा लडेर दुई सय मिटर तल खसेको अवस्थामा शव फेला परेको इलाका प्रहरी कार्यालय दल्लीका प्रहरी नायब निरीक्षक इन्चार्ज बिष्टले जानकारी दिनुभयो ।

जाजरकोटमृत्यु

प्रकाशित मिति: सोमवार, फाल्गुन ८, २०७९, १२:१२ बेलुका

लेखक: समाचारपाटी