काठमाडौं । मोरङको बेलबारी नगरपालिका २ खड्का पेट्रोल पम्पअगाडि आज बिहानै भारतीय नम्बरको जीप दुर्घटना हुँदा एक जनाको मृत्यु भएको छ। सोही दुर्घटनामा तीन जना भने घाइते भएका छन्।

मृत्यु हुनेमा जीपमा सवार भारतीय नागरिक ६३ वर्षीय प्रतापसिहं तामाङ रहेका छन्। विराटनगरस्थित विराट नर्सिङ होममा उपचारको क्रममा आज बिहान सवा ६ बजे तामाङको मृत्यु भएको हो।

दुर्घटनामा सामान्य घाइते भएका चालकसहित तीन जनाको सोही अस्पतालमा उपचार भइरहेको छ। नेपालमा रहेका आफन्त भेट्न आएका मानिसहरू सवार रहेको जीप आज बिहान साढे ३ बजे पल्टिएको थियो।

दुर्घटनाका बारेमा थप अपुसन्धान भइरहेको छ ।

जिप दुर्घटना

प्रकाशित मिति: आइतवार, माघ २२, २०७९, ११:१३ बिहान

लेखक: समाचारपाटी