काठमाडौं । अमेरिकन डलर भनेर कागजको खोस्टा दिएर ठगी गर्न खोज्ने एक व्यक्तिलाई प्रहरीले पक्राउ गरेको छ । पक्राउ पर्नेमा सिन्धुपाल्चोकको बाह्रबिसे नगरपालिका–६ घर भइ काठमाडौं स्वयम्भू बस्ने ६५ वर्षीय पाल्साङ तामाङ छन् ।

तामाङलाई जिल्ला प्रहरी परिसर ललितपुरको टोलीले नख्खु खोलाबाट पक्राउ गरेको हो । उनीमाथि ३ दिनको म्याद लिएर अनुसन्धान अघि बढाइएको परिसर ललितपुरका एसएसपी सिद्धिविक्रम शाहले जानकारी दिनुभयो ।

तामाङले बाराको निजगढ नगरपालिका–३ घर भइ भक्तपुर थिमी बस्ने हरिचन्द्र बम्जनलाई आफूसँग ५६ हजार ३५० अमेरिकन डलर रहेको भन्दै सटही गर्नुपर्‍यो र त्यसबापत केही रकम पाउने भन्दै तारन्तार फोन गरेका थिए । त्यसपछि बम्जनले प्रहरीलाई खबर गराएका थिए ।

बाहिर अमेरिकन डलर राखेरभित्र कागजको खोस्टाको बिटो बनाइएको अवस्थामा जाली नोट प्रहरीले बरामद गरेको छ ।

अमेरिकन डलरठगी गर्ने १ जना पक्राउ

प्रकाशित मिति: मङ्लबार, असार २६, २०८०, ८:२८ बेलुका

लेखक: समाचारपाटी