काठमाडौं । युरोपेली मुलुक स्पेनको राजधानी मड्रिडमा शनिबार प्रधानमन्त्री पेड्रो सान्चेजको वामपन्थी सरकारविरुद्ध व्यापक प्रदर्शन भएको छ ।
चरम दक्षिणपन्थी पार्टी भोक्सले समर्थन गरेको प्रदर्शनमा हजारौं मानिस भेला भएका थिए । चुनाव हुन लागेको वर्ष स्पेनमा सरकार विरोधी प्रदर्शन चर्किएको हो ।
पहेँलो र रातो स्पेनी झण्डा फहराउँदै प्रदर्शनकारीले प्रधानमन्त्री सान्चेजको राजीनामा माग गरेका छन् ।
प्रदर्शनमा सहभागि कतिपयले समाजवादी प्रधानमन्त्रीको तस्वीरसहित उनलाई ‘देशद्रोही’ को संज्ञा दिएका थिए ।
र्यालीका लागि म्याड्रिडको सिबेलेस स्क्वायरमा करिब ३० हजार जना भेला भएको केन्द्रीय सरकारको प्रतिनिधिमण्डलले जनाएको छ ।