मकवानपुर । मकवानपुरको मकवानपुरगढी गाउँपालिका–२ धवाडी पुलमा मोटरसाइकल दुर्घटना हुँदा एकै परिवारका तीन जनाको ज्यान गएको छ ।

दुर्घटनामा मोटरसाइकल चालक मकवानपुरगढी–२ का ३५ वर्षीय भीमबहादुर स्याङतान, मोटरसाइकलको पछाडि बस्ने उहाँकी श्रीमती ३४ वर्षीया रुपा स्याङतान र पाँच महिने छोरीको ज्यान गएको जिल्ला प्रहरी कार्यालय मकवानपुरका प्रहरी नायब उपरीक्षक डीएसपी लक्ष्मी भण्डारीले जानकारी दिनुभयो ।

सुकौराबाट कान्ति लोकपथतर्फ आउँदै गरेको प्रदेश ३–०२–०१२ प ६९११ नम्बरको मोटरसाइकल आज बिहीवार दिउँसो अनियन्त्रित भएर धवाडी पुल छेउमा दुर्घटना भएको हो । मोटरसाइकल सडकबाट तल खसेको थियो ।

दुर्घटना हुँदा एकै परिवारका ३ जनाको मृत्यु

प्रकाशित मिति: बिहिबार, मंसिर १४, २०८०, ५:५७ बेलुका

लेखक: समाचारपाटी