सिन्धुपाल्चोक । आगो ताप्ने क्रममा बाह्रबिसेमा १ जनाको मृत्यु भएको छ । काठले बारेको जस्तापाताको छानो भएको एकतले घरमा आगलागी हुँदा बाह्रबिसे नगरपालिका–८ का ४५ वर्षीय ४५ लोकबहादुर नेपालीको मृत्यु भएको हो ।

जिल्ला प्रहरी कार्यालय सिन्धुपाल्चोकका सूचना अधिकारी प्रहरी नायब उपरीक्षक निरञ्जन भट्टराईले घरभित्र आगो बालेर ताप्ने क्रममा आगलागी भई एलपी ग्यास सिलिन्डर पड्किँदा उक्त घटना भएको जानकारी दिनुभयो ।

आगलागीबाट लोकबहादुरको पूरै शरीर जलेर घटनास्थलमै सोमबार साँझ मृत्यु भएको उहाँले बताउनु भयो ।

लोकबाहदुरको परिवारका अन्य सदस्यलाई प्रहरीले तत्काल उद्धार गरेको थियो । क्षतिको अन्य विवरण आउन बाँकी रहेको जनाइएको छ ।

आगो ताप्ने क्रममा जलेर मृत्यु

प्रकाशित मिति: मङ्लबार, मंसिर १९, २०८०, १२:४७ बेलुका

लेखक: समाचारपाटी