काठमाडौं । अमेरिकी राष्ट्रपति चुनावको मतदान सकिएसँगै नतिजा आउन थालेको छ । अहिलेसम्म ३८ राज्यको नतिजा आएको छ । १२ वटाको मतगणना बाँकी छ ।

मतगणना भइसकेकामध्ये २४ राज्यमा रिपब्लिकन पार्टीका डोनाल्ड ट्रम्प र १४ राज्यमा डेमोक्रेटिक पार्टीकी कमला ह्यारिस विजयी हुनुभएको बीबीसीले जनाएको छ । ट्रम्पको २ सय ४६ र कमलाको १ सय ८७ अङ्क रहेको छ । जीतका लागि २ सय ७० अङ्क आवश्यक पर्छ ।

दुई पार्टीबीचको मतको अन्तर निकै कम भएको सात वटा स्विंग स्टे को नतिजा नआएसम्म चुनावको नतिजा कता जान्छ भन्ने अनुमान गर्न कठिन हुने विश्लेषकहरूले बताएका छन् । यी राज्यहरूमा ९३ सिट छन् । अहिलेसम्म ट्रम्पले यीमध्ये एउटा नर्थ क्यारोलिना जित्नुभएको छ ।

न्यूओर्क टाइम्सकाअनुसार ट्रम्प बाँकी सातमध्ये चार राज्यमा अगाडि हुनुहुन्छ । राष्ट्रपतिको चुनावसँगै अमेरिकी संसद्को दुवै सदन, सिनेट र हाउस अफ रिप्रिजेन्टेटिभका लागि पनि चुनाव भएको छ । यसमा पनि ट्रम्पको पार्टी रिपब्लिकनले अग्रता लिएको छ ।

अमेरिकी राष्ट्रपति चुनाव

प्रकाशित मिति: बुधबार, कार्तिक २१, २०८१, १२:४५ बेलुका

लेखक: समाचारपाटी